Rjúpan og Náttúrufræðistofnun

Ég get ekki orða bundist yfir þessari vitleysu sem öll lög og ráðgjöf varðandi Rjúpuna er og hefur verið síðan þessi friðun byrjaði með veiðibanni um árið.

Ég er einn af þeim sem veiði og borða Rjúpu en veiði bara fyrir mína fjölskyldu í jólamatinn, læt það duga.

Þegar veiðibannið var sett á var sett sölubann sem er enn í gildi til að stemma stigum við magnveiði, ekki hef ég heyrt eða séð ritað nokkursstaðar að því hafi verið fylgt eftir með einhverjum aðgerðum?

Finnst mér ákaflega skrítið að ekkert hafi heyrst um að menn hafi verið teknir fyrir sölu Rjúpu sem segir manni að þessum lögum sé ekki fylgt eftir, að mínu áliti á að svipta menn byssuleyfi ævilangt og hafa stóra sekt við sölu á Rjúpu? Til hvers eru lögin annars, eru þau bara til að brjóta þau ár eftir ár?

Það eina sem maður hefur heyrt er að menn séu teknir fyrir veiðar án leyfis landeiganda o.s.frv. en ekkert vegna magnveiði og sölu, en lögin voru jú sett til að stemma stigum við slíku atferli.

Verð á Rjúpu hefur farið í 11000 kr. stk. hæst (Örugglega einstök tilvik) en meðalverð liggur um 5000 kr. stk þessi ár sem liðin eru síðan veiðar voru leyfðar að nýju. Það leyndi sér ekki að meira var um Rjúpu á síðasta ári en árin þar á undan, enda lækkaði hún í verði en var samt um 2500-3000 kr.stk. það sjá það allir sem vilja að þarna er hægt að hafa mikið af peningum með sölu á Rjúpu.  Þarna verður eitthvað að gera annað en að sjá vitleysinga eins og Ólaf K. Nielsen koma fram og segja að stofnstærð sé ofmetin og áhrif veiða vanmetin.

Hvernig væri að gera eitthvað í hlutunum og það á við um mig líka að láta vita af söluveiðimönnum frétti ég af þeim!

Auðvitað kostar peninga að herða eftirlitið, en við veiðimenn borgum fyrir veiðikortin og áttu þær greiðslur að skila sér til rannsókna á Rjúpunni ef ég man rétt, notið þá peninga og hættið að væla í fjölmiðlum til að fá kerlingarnar í vesturbænum til að mæra ykkur fyrir friðun sem engu skilar.

Svo eru stærstu mistökin sem þessir bjánar sem stjórna loka augunum algerlega fyrir og segja reyndar engum frá heldur og það er mesta snilli sem Bjánarnir í Umhverfisstofnun og sennilega Náttúrustofnun hafa gert og það er FRIÐUN tófunnar?? Óskiljanleg ákvörðun enda er mófugl að hverfa mjög víða og meira ber á tófu yfir hádaginn sem segir manni að fæðuskortur sé hjá henni, en Rjúpan er jú hennar helsta fæða, hún leggst á hreiðrin og tekur eggin á vorin og tekur svo fuglinn í bælum á veturna. Sveitarfélögin koma reyndar að fjölgun tófunnar líka en mörg eru hætt að greiða fyrir grenjatökur og vei'ar á tófu vegna þess að ríkið hætti að styrkja slíkt!!.

Lokaorð mín eru þessi: Takið til í rassgatinu hjá sjálfum ykkur áður en þið komið með svona fréttaflutning í fjölmiðla, gerið eitthvað í málunum til að fylgja þeirri löggjöf eftir sem þið settuð sjálfir, herðið eftirlitið til muna og takið magnveiðimennina og leyfið aftur veiðar á tófu í þjóðgörðum landsins því þið hafið stuðlað að ójafnvægi í náttúru landsins!!

Það er betra að þegja og vera álitin fáviti, en tala og taka af allan vafa!!

Hjalti Þór Þorkelsson

Takmörkun veiða skilar ekki árangri

Athugasemdir

[Hjörtur Hjartarson (IP-tala skráð) 18.9.2010 kl. 11:08]

Flottur pistill.

[Merajón (IP-tala skráð) 18.9.2010 kl. 11:35]

Það er nú svo að lögmálið um framboð og eftirspurn ræður miklu hér sem annarsstaðar. Ef þú getur fengið kr. 5.000,- fyrir stykkið, þá er það ansi mikil freisting fyrir þá sem hafa getuna og nennuna til að fara til veiða. Það er bara í mannlegu eðli. En hitt er annað mál, að það er hárrétt hjá þér með tófuna og friðun hennar, sem verður sífellt viðtækari. Eftir að tiltekinn maður var einn vetrarlangt í eyðisveit og ruglaðist þar, hefur greenpeace iðnaðurinn hér á landi farið hamförum og nú má ekki veiða tófu til fjalla, ekki á Hornströndum og tekið hefur verið fyrir það að mestu að sveitarfélög greiði fyrir veiðar á þessum kvikindum. Þegar þetta kemur til viðbótar við minkinn, þá er augljóst að jafnvægi í náttúrunni hefur verið raskað og það er ömurlegt að upplifa það að mófugl er að hverfa á stórum svæðum út af þessu. Villiminkastofninum er viðhaldið og hann aukinn með samviskulausri umgengni á minkabúum. Væri allt í lagi að sumir náttúruverndarfasistarnir skoðuðu þau - án þess að láta minkabændur vita.

[Hjalti Þór Þorkelsson, 18.9.2010 kl. 17:38]

Já Merajón það er málið og get ég alveg skilið þá menn sem vilja ná sér í aura.

En pointið hjá mér er að stjórnvöld settu sölubann og lög um það, en ekkert hefur heyrst um að menn hafi verið teknir fyrir þá iðju hvað þá að þeim hafi verið refsað fyrir að brjóta umrædd lög!!

Eina sem heyrist er að stofninn sé lágur og ofveiddur en þeir gera svo ekkert til að hjálpa stofninum til að vaxa, með því t.d. að herða eftirlit með sölu og beita sviptingu skotvopnaleyfis ef menn eru staðnir að slíku og leyfa veiðar á tófunni.

Lítið mark takandi á mönnum sem væla í fjölmiðlum og kynna almenningi eigin heimsku í staðinn fyrir að bregðast við vandanum með viðeigandi hætti.

Ég vil ekki eitt veiðibannið enn og sjá tófuna klára Rjúpnastofninn fyrir okkur, sem verður endirinn ef þessir menn taka ekki höfuðið út úr óæðri endanum á sér og framfylgja lögunum sem þeir sjálfir settu!!